आर्टिस्टनेपालले कलाकार, फिल्म निर्माता र प्रोडक्शन हाउसका लागि ‘Self‑Managed Profile System’ सार्वजनिक

काठमाडौं। नेपाली कला, फिल्म र सिर्जनात्मक उद्योगलाई एकीकृत डिजिटल संरचनामा ल्याउने उद्देश्यसहित सञ्चालनमा रहेको ArtistNepal ले कलाकार, फिल्म निर्माता तथा प्रोडक्शन हाउसहरूलाई लक्षित गर्दै ‘Self‑Managed Profile System’ औपचारिक रूपमा सार्वजनिक गरेको छ। नयाँ सुविधासँगै अब कलाकारले मात्र होइन, फिल्म निर्माण संस्थाले पनि आफ्ना फिल्म, short film, वेब सिरिज, टेलिभिजन कार्यक्रम, रियालिटी शोदेखि लिएर आगामी प्रोजेक्टसम्म सबै सामग्री आफैँले अपलोड र व्यवस्थापन गर्न सक्नेछन्।

  प्लेटफर्मका अनुसार, यो प्रणाली कलाकार र निर्माण पक्ष दुवैलाई डिजिटल रूपमा सशक्त बनाउने उद्देश्यले तयार गरिएको हो। कलाकारले आफ्नो जीवनी, फोटो, काम, अनुभव, उपलब्धि र सम्पर्क विवरण राख्न सक्नेछन् भने प्रोडक्शन हाउसहरूले आफ्नो ब्यानरअन्तर्गत बनेका सबै प्रोजेक्टहरू एकै ठाउँमा व्यवस्थित रूपमा अभिलेख गर्न सक्नेछन्। यसले कलाकार र निर्माण संस्थाको पहिचानलाई Google‑searchable बनाउँदै, उनीहरूको कामलाई दीर्घकालीन डिजिटल इतिहासमा सुरक्षित राख्ने लक्ष्य लिएको छ।

ArtistNepal ले यसअघि कलाकारहरूलाई मात्र प्रोफाइल बनाउने सुविधा उपलब्ध गराउँदै आएको थियो। तर नेपाली फिल्म उद्योगको संरचना, निर्माण संस्थाहरूको बढ्दो सक्रियता र डिजिटल अभिलेखनको आवश्यकता बढ्दै गएपछि प्लेटफर्मले प्रोडक्शन हाउसहरूलाई पनि समान पहुँच दिने निर्णय गरेको हो। अब कुनै पनि फिल्म निर्माण कम्पनीले आफ्नो ब्यानर नाममा आधिकारिक प्रोफाइल खोलेर फिल्मको पोस्टर, ट्रेलर, कास्ट–क्रू विवरण, निर्माण वर्ष, पुरस्कार, पर्दा प्रदर्शन, र आगामी प्रोजेक्टहरूको जानकारी नियमित रूपमा अपडेट गर्न सक्नेछन्।

विद्यार्थी कलाकारका लागि छुट्टै “Student Artist Page” को व्यवस्था गरिएको छ, जसले उनीहरूलाई आफ्नो अभ्यासका काम, प्रोजेक्ट, short film, music cover, नृत्य भिडियो, फोटोग्राफी तथा अन्य सिर्जनात्मक सामग्री सुरक्षित रूपमा राख्न मद्दत गर्छ। प्लेटफर्मले विद्यार्थी कलाकारलाई भविष्यमा व्यावसायिक कलाकारतर्फ उकास्ने पुलको रूपमा काम गर्ने बताएको छ।

ArtistNepal का अनुसार, यो सुविधा नेपालमा मात्र सीमित छैन। अमेरिका, अष्ट्रेलिया, युरोप, जापान, कोरिया, मध्यपूर्व लगायत विश्वभर रहेका नेपाली कलाकार र निर्माण संस्थाले पनि समान रूपमा प्रोफाइल खोल्न सक्नेछन्। प्लेटफर्मले diaspora creative समुदायलाई नेपालसँग जोड्ने सांस्कृतिक पुलको रूपमा आफूलाई स्थापित गर्दै आएको दाबी गरेको छ।

नयाँ प्रणाली सार्वजनिकसँगै कलाकार र निर्माण संस्थाले आफ्नो कामलाई मिडिया, कार्यक्रम आयोजक, निर्माता, निर्देशक, कास्टिङ टिम तथा सहयोगी खोजिरहेका व्यक्तिहरूसम्म सजिलै पुर्‍याउन सक्नेछन्। प्रत्येक प्रोफाइलमा उपलब्ध ‘Contact / Book Now’ सुविधा मार्फत इच्छुक पक्षले कलाकार वा निर्माण संस्थासँग प्रत्यक्ष सम्पर्क गर्न सक्ने व्यवस्था गरिएको छ।  

ArtistNepal ले नेपाली कला र फिल्म उद्योगका सामग्रीहरू हराउने होइन, व्यवस्थित रूपमा सुरक्षित रहने वातावरण बनाउने लक्ष्यसहित यो सेवा विस्तार गरेको जनाएको छ। प्लेटफर्मका प्रतिनिधिको भनाइमा, “हामी कलाकार र निर्माण पक्ष दुवैलाई डिजिटल रूपमा आत्मनिर्भर बनाउँदै, उनीहरूको कामलाई विश्वव्यापी रूपमा प्रस्तुत गर्न चाहन्छौँ। अब कलाकारले आफ्नो प्रोफाइल आफैँ बनाउने, प्रोडक्शन हाउसले आफ्नो फिल्म आफैँ अपलोड गर्ने—सबै प्रक्रिया एकै ठाउँमा सहज रूपमा उपलब्ध छ।”